Franska stórveldið Paris Saint-Germain virðist loksins vera búið að leysa þjálfaravandamálin sem félagið hefur glímt við undanfarin ár.
PSG hefur verið með fjóra mismunandi þjálfara á síðustu fjórum leiktímabilum en Thomas Tuchel, Mauricio Pochettino og Christophe Galtier þóttu ekki nægilega góðir.
Þeir þrír sem voru reknir eru þrátt fyrir það með hærra sigurhlutfall heldur en Luis Enrique við stjórnvölinn hjá félaginu.
Fabrizio Romano greinir frá því að stjórn PSG hafi gríðarlegar miklar mætur á Enrique, sem er aðeins með tæpt ár eftir af samningi sínum við félagið. Romano segir að stjórnendur PSG séu að vinna hörðum höndum að því að gera nýjan samning við Enrique til að halda honum lengur hjá félaginu.
Athugasemdir
