Samband Thomas Tuchel og Matthijs de Ligt virðist vera í molum eftir 3-0 tap Bayern gegn Leverkusen um helgina.
Tuchel spilaði með þrjá miðverði gegn Leverkusen en hefur verið vanur að spila með tvo, De Ligt hafði verið í byrjunarliðinu í síðustu fimm leikjum þegar kom að leiknum gegn Leverkusen en Tuchel valdi Dayot Upamecano, Eric Dier og Kim Min-jae framyfir hann.
Þýski miðillinn Bild greinir frá því að De Ligt hafi verið allt annað en sáttur við þessa ákvörðun en hann sagði í viðtali eftir leikinn að hann væri heill heilsu svo valið hafði ekkert með það að gera.
Bayern var í dauðaleit að miðverði í janúar og fékk að lokum Dier frá Tottenham. Bild segir að félagið hafi viljað fá Ronald Araujo frá Barcelona og Jonathan Tah frá Leverkusen.
Athugasemdir