Raheem Sterling er ekki í áformum Enzo Maresca stjóra Chelsea og má því fara frá félaginu.
Arsenal hefur verið orðað við enska sóknarmanninn en Dharmesh Sheth, sérfræðingur hjá Sky Sports, greindi frá því fyrr í dag að hann væri ólíklega á leið til Arsenal.
Hann hefur nú sagt frá því að Skytturnar séu að skoða möguleikann að fá hann á láni.
Viðræður ganga vel og Sterling er mjög spenntur fyrir Arsenal. Mikel Arteta, stjóri Arsenal, og Sterling unnu saman á sínum tíma hjá Man City þegar Sterling var þar sem leikmaður og Arteta í þjálfarateymi Pep Guardiola.
Athugasemdir
