Valgeir Lunddal Friðriksson er að ganga í raðir Fortuna Düsseldorf. Samkvæmt heimildum Fótbolta.net munu skiptin ganga í gegn fyrir gluggalok og Valgeir mun því ekki klára tímabilið með Häcken í Svíþjóð.
Fyrr í sumar var fjallað um að Valgeir væri búinn að ná samkomulagi við Fortuna en hann átti þá innan við hálft ár eftir af samningi sínum. Til þess að fá hann strax þurfti Fortuna að rífa upp veskið og er í þýskum fjölmiðlum fjallað um að kaupverðið sé um 300 þúsund evrur.
Fyrr í sumar var fjallað um að Valgeir væri búinn að ná samkomulagi við Fortuna en hann átti þá innan við hálft ár eftir af samningi sínum. Til þess að fá hann strax þurfti Fortuna að rífa upp veskið og er í þýskum fjölmiðlum fjallað um að kaupverðið sé um 300 þúsund evrur.
Valgeir er 22 ára landsliðsmaður sem er að glíma við smávægileg meiðsli sem stendur en er að ná fullri heilsu. Hann verður líklega kynntur hjá þýska félaginu í kvöld eða á morgun.
Í kjölfarið mun hann svo halda til Íslands þar sem hann kemur til móts við landsliðið sem spilar tvo leiki í Þjóðadeildinni á næstu dögum.
Hjá Fortuna, sem er í þýsku B-deildinni, verður Valgeir liðsfélagi Ísaks Bergmanns Jóhannessonar.
???
— Orri Rafn Sigurdarson (@OrriRafn) August 30, 2024
Valgeir Lunddal https://t.co/hLUs2adzFf pic.twitter.com/atUI2P9f0C
Athugasemdir