Mangala til Everton á láni (Staðfest)
Mynd: Getty Images
Mynd: Getty Images
Orel Mangala er genginn til liðs við Everton á láni frá Lyon út tímabilið. Aðeins um lánssamning er að ræða svo hann mun snúa aftur til Frakklands næsta sumar.
Hann snýr aftur í ensku úrvalsdeildina en hann gekk til liðs við Lyon á láni frá Nottingham Forest í janúar en franska félagið festi kaup á honum í sumar.
Mangala er 26 ára gamall belgískur miðjumaður en hann lék 53 leiki með Forest. Hann gekk til liðs við félagið frá Stuttgart árið 2022. Hann á 19 landsleiki að baki fyrir Belgíu.
Hann er sjöundi leikmaðurinn sem Everton fær til sín í sumar á eftir Jack Harrison á láni frá Leeds, Tim Iroegbunam, frá Aston Villa, Iliman Ndiaye, frá Marseille, Jesper Lindstrøm á láni frá Napoli, Jake O’Brien, fyrrum liðsfélaga Mangala hjá Lyon og Asmir Begovic.
Everton vann Fiorentina í baráttunni um leikmanninn.
Our latest arrival in L4 ???????????? pic.twitter.com/TeeTvh3RwO
— Everton (@Everton) August 30, 2024
