Dele Alli er samningslaus en hann hefur verið að æfa með Everton í sumar. Hann var á mála hjá enska félaginu á síðasta tímabili en spilaði ekkert vegna meiðsla.

Everton hefur rætt við hann um nýjan samning en það hefur ekki verið gengið frá neinu.

Lille hefur áhuga á þessum hæfileikaríka miðjumanni en hann þarf ekki að ganga frá samningi í dag þó glugginn sé að loka þar sem hann er án félags.

Dele var á sínum tíma einn besti fótboltamaður Englands en hann hefur átt erfitt utan vallar síðustu ár og hefur það truflað hann innan vallar.