Víkingar urðu að bíta í það súra epli að horfa á eftir bikarmeistaratitlinum í dag þegar þeir töpuði fyrir KA í úrslitum á Laugardalsvelli.
Lestu um leikinn: KA 2 - 0 Víkingur R.
„Þetta er mjög súrt. Við erum vanir að vinna svona leiki og vinna þessa stóru leiki en eins og sannir sigurvegarar þá verðum við að kunna að tapa líka og virða það að KA voru bara flottir í dag og gerðu okkur erfitt fyrir. Þeir áttu sigurinn bara skilið" Sagði Ingvar Jónsson markvörður Víkinga eftir leikinn í dag.
KA byrjuðu leikinn af miklum krafti og voru yfir í baráttunni gegn Víkingum lengst af leiknum en hvað var það sem vantaði uppá hjá Víkingum?
„Bara einhvernveginn að gera hlutina aðeins hraðar og komast í gegnum þá. Komast í fleirri fyrirgjafir og fleirri skot en þeir bara spiluðu vel og 'counter'uðu okkur vel og fengu ágætis færi áður en þeir skoruðu líka."
„Mér skilst að þetta hafi verið rangstöðumark [fyrra mark KA] og það er alltaf svekkjandi og svo fannst mér Valdi líka átt að fá víti í fyrri hálfleik líka en svona er bara boltinn. Það skiptir ekki máli."
KA skoruðu annað markið djúpt inn í uppbótartíma sem var virkilega svekkjandi fyrir Víkinga.
„Oliver bara í staðin fyrir að skalla boltann því það er lítið eftir þá reynir hann að skalla hann heim og svona getur gerst þegar maður vill ekki sóa neinum sekúndum. Skiptir engu máli eitt eða tvö núll."
Nánar er rætt við Ingvar Jónsson í spilaranum hér fyrir ofan.