'Rosa gott fyrir hausinn að koma einu inn og að liðið skori fjögur'
'Maður er í fótbolta fyrir þessi augnablik og ég er ótrúlega spennt'
„Kærkominn sigur, rosalega gott veganesti í langa pásu fyrir liðið," sagði Sandra María Jessen, fyrirliði Þórs/KA, eftir sigur á Víkingi í dag.
Sandra skoraði fjórða mark liðsins en átti líka stóran þátt í þriðja markinu þar sem Sonja Björg Sigurðardóttir fylgdi á eftir skoti Söndru og skoraði. Fyrirliðinn var spurður út í framherjann stæðilega.
Sandra skoraði fjórða mark liðsins en átti líka stóran þátt í þriðja markinu þar sem Sonja Björg Sigurðardóttir fylgdi á eftir skoti Söndru og skoraði. Fyrirliðinn var spurður út í framherjann stæðilega.
Lestu um leikinn: Þór/KA 4 - 1 Víkingur R.
„Hún er rosalega kraftmikill og góður leikmaður, erfitt að eiga við hana, með gríðarlegan líkamsstyrk og getur haldið leikmönnum frá sér. Hún er góð í að batta niður. Hún er efnilegur leikmaður sem verður gaman að fylgjast með á næstu árum og gott að hafa hana í okkar röðum."
Sandra er á leið á EM og er eðlilega spennt fyrir komandi verkefnum. „Ég held það sé mjög gott fyrir hausinn á manni (að skora), ekki það að ég er alltaf róleg yfir þessu, veit að ég er að skapa mikið og kannski ekki að fá jafnmikið af færum og síðasta sumar. En rosa gott fyrir hausinn að koma einu inn og að liðið skori fjögur."
Hún fer suður á morgun og út með landsliðinu til Serbíu á mánudagsmorgun. „Það er ekki löng pása, en ég er ekki að kvarta, maður er í fótbolta fyrir þessi augnablik og ég er ótrúlega spennt."
„Þetta er klárlega það skemmtilegata sem maður gerir. Ég hef farið einu sinni áður á stórmót og held að ég muni aldrei gleyma því. Núna er bara að skapa aðrar góðar minningar og gera allt til að ná í góð úrslit og komast eins langt og möguleiki er á."
„Eigum við ekki bara að byrja á því að koma okkur upp úr riðlinum? Ég held að það sé raunhæft markmið, auðvitað eru þetta jöfn lið í þessum riðli en það er allt mögulegt. Á góðum degi eigum við að geta unnið alla leikina og við setjum kröfuna á að ná það góðum úrslitum að við komumst upp úr riðlinum."
Athugasemdir
