Gylfi Þór Sigurðsson í leiknum gegn Andorra í kvöld
Gylfi Þór Sigurðsson, leikmaður íslenska landsliðsins, var að vonum ánægður með 2-0 sigurinn á Andorra í fyrsta leik í undankeppni Evrópumótsins í kvöld.
Lestu um leikinn: Andorra 0 - 2 Ísland
Birkir Bjarnason kom íslenska liðinu yfir í fyrri hálfleik áður en varamaðurinn Viðar Örn Kjartansson bætti við öðru og gulltryggði sigurinn.
Þetta var fyrsti sigur íslenska liðsins frá því í janúar á síðasta ári og því mikill léttir.
„Það er auðvitað mjög fínt og leikurinn spilaðist eins og við bjuggumst við fyrir leik. Hægur leikur og erfitt að spila boltanum, þeir voru með marga í vörn en það er fínt að koma hingað og ná í þrjú stig," sagði Gylfi.
„Þetta var leiðinlegt og erfitt. Boltinn hoppaði mjög mikið og ekki besta gervigrasið en þó betra en maður bjóst við. Markið í fyrri hálfleik breytti leiknum og við vissum alveg að þeir voru ekkert að fara að skora tvö mörk þannig mikilvægt að við myndum skora næsta mark, það gerði út um leikinn."
„Þetta var mjög gott og heimsklassa finish. Tekur hann í fyrsta og það er ekki auðvelt að kontra boltann svona á þessum velli, hann hélt honum niðri og það var frábær tímasetning fyrir okkur að skora annað markið."
„Algjörlega. Við höfum flestir spilað á 60-70% og vorum að spara okkur undir lokin. Fínt að taka þrjú stig, halda hreinu og geta núna undirbúið sig undir alvöru leik," sagði Gylfi ennfremur.
Athugasemdir
