„Arsenal var að skoða möguleika á því að fá inn sóknarleikmann fyrir gluggalok en eins og staðan er núna er ekki útlit fyrir að af því verði," segir íþróttafréttamaðurinn Dharmesh Sheth sem er á gluggadagsvaktinni fyrir Sky Sports.
Arsenal var í morgun orðað við Raheem Sterling hjá Chelsea og Kingsley Coman hjá Bayern München en hvorugur þeirra er á leið til félagsins eins og málin standa.
Arsenal var í morgun orðað við Raheem Sterling hjá Chelsea og Kingsley Coman hjá Bayern München en hvorugur þeirra er á leið til félagsins eins og málin standa.
Sagt var frá því fyrr í dag að Arsenal hafi verið boðið að fá Sterling í sínar raðir en hann er ekki í áformum Enzo Maresca stjóra Chelsea.
Sterling vann með Mikel Arteta, stjóra Arsenal, þegar þeir voru báðir hjá Manchester City. Sterling á þrjú ár eftir af samningi sínum hjá Chelsea.
Gluggadagurinn er í dag. Glugganum verður lokað í enska, spænska og ítalska boltanum klukkan 22:00 í kvöld. Þýska glugganum verður lokað klukkan 18 og franska 21.
Athugasemdir
