Orri Steinn Óskarsson er við það að ganga til liðs við Real Sociedad á Spáni en hann er á leið til Spánar að klára félagaskiptin.
Félagaskiptasérfræðingurinn Fabrizio Romano birti mynd af Orra Steini og Magnúsi Agnari Magnússyni, umboðsmanni íslenska landsliðsmannsins, í flugvél á leið til Spánar.
Orri Steinn er nýorðinn tvítugur en hann hefur farið hamförum hjá FC Kaupmannahöfn á tímabilinu. Sociedad borgar danska félaginu 20 milljónir evra en aðeins Gylfi Þór Sigurðsson var dýrari af Íslendingum þegar hann gekk til liðs við Everton fyrir tæplega 50 milljónir evra.
Orri Steinn hefur skorað sjö mörk í 12 leikjum í deild og bikar fyrir FCK á tímabilinu.
??????????? Orri Oskarsson and his agent Magnus Magnússon on their way to Spain to join Real Sociedad. pic.twitter.com/eYLSVvt5Do
— Fabrizio Romano (@FabrizioRomano) August 30, 2024
