Ítalski þjálfarinn Enzo Maresca er búinn að skrifa undir fimm ára samning við enska úrvalsdeildarfélagið Chelsea en þetta segir David Ornstein hjá Athletic.
Maresca stýrði Leicester til sigurs í ensku B-deildinni á nýafstaðinni leiktíð en þetta var annað starf hans sem aðalþjálfari.
Áður þjálfaði hann Parma á Ítalíu og var þá einnig aðstoðarmaður Pep Guardiola hjá Manchester City.
Chelsea lét Mauricio Pochettino taka poka sinn eftir leiktíðina og fékk félagið nokkrum dögum síðar leyfi frá Leicester til að ræða við Maresca.
Viðræðurnar tóku nokkra sólarhringja áður en það náðist samkomulag, en í dag skrifaði Marecsa undir fimm ára samning með möguleika á öðru ári. Chelsea greiðir Leicester 10 milljónir punda fyrir skiptin.
Willy Caballero, Danny Walker, Michele De Bernardin, Marcos Alvarez, Javier Molina Caballero og Roberto Vitiello verða í þjálfarateymi Maresca.
Chelsea mun staðfesta ráðninguna á morgun og verður hann síðan kynntur fyrir fjölmiðlum síðar í vikunni.
Athugasemdir
