Króatinn Luka Modric hefur staðfest að hann verði áfram hjá Real Madrid á næstu leiktíð.
Modric og félagar hans urðu Evrópumeistarar í gær eftir að hafa unnið Borussia Dortmund 2-0 á Wembley.
Þetta var sjötti Meistaradeildartitill Modric með Madrídingum en hann átti stóran þátt í þeim öllum.
Miðjumaðurinn verður 40 ára á næsta ári en hann er ekkert á þeim buxunum að fara frá félaginu strax.
„Sjáumst á næsta tímabili, Madrídingar,“ sagði Modric í fögnuði liðsins á Santiago Bernabeu, heimavelli félagsins.
Á næstu dögum mun hann undirrita eins árs framlengingu á samningi sínum og er því á leið inn í sitt þrettánda tímabil með spænska félaginu.
Athugasemdir