Toni Kroos hefur spilað sinn síðasta leik fyrir félagslið á ferlinum en honum lauk eftir sigur Real Madrid gegn Dortmund í gær.
Hann mun leggja skóna á hilluna þegar EM í Þýskalandi lýkur en hann mun taka slaginn með heimamönnum þar.
Jose Mourinho sem er tekinn við Fenerbahce í Tyrklandi var að vinna hjá TNT á leiknum í gærkvöldi þar sem hann tjáði sig um Kroos.
„Þetta ætti að vera bannað. FIFA og UEFA eru með svo margar reglur og taka margar ákvarðanir. Takiði ákvörðun um að koma í veg fyrir að gæjinn hætti," sagði Mourinho léttur.
Athugasemdir