Englendingurinn þekkir vel til hjá Brighton eftir að hafa stýrt liðinu frá 2019 til 2022.

Á þriðja tímabili hans með Brighton endaði liðið í 9. sæti ensku úrvalsdeildarinnar, sem var þá besti árangur liðsins í deildinni, en hann yfirgaf liðið í september sama ár og tók við Chelsea.

Ævintýri hans hjá Chelsea var stutt. Hann var rekinn í apríl á síðasta ári eftir 2-0 tap gegn Aston Villa, en Potter hefur verið án starfs síðan.

Hann var í viðræðum við hollenska félagið Ajax, en tók ákvörðun um að hafna tilboði félagsins.

Brighton-blaðamaðurinn Andy Naylor greinir frá því á Athletic að Potter sé nú kominn aftur í myndina hjá Brighton, Félagið er til í að fá hann aftur.

Steve Cooper, fyrrum stjóri Nottingham Forest, hefur einnig verið orðaður við félagið upp á síðkastið.