Valgeir Lunddal Friðriksson leikmaður Hacken í Svíþjóð er sjóðandi heitur þessa dagana.
Hann skoraði mark liðsins í 2-1 tapi gegn Mjallby í síðustu viku. Hann skoraði aftur í dag þegar hann kom liðinu yfir gegn AIK en en lokatölur urðu 4-1.
Valgeir lagði upp fjórða markið sem innsiglaði sigur liðsins. Hacken er í 6. sæti með 20 stig eftir 13 umferðir.
Patrik Sigurður Gunnarsson var á sínum stað í marki Viking þegar liðið gerði 2-2 jafntefli gegn Molde í norsku deildinni í dag. Viking er í 5. sætimeð 19 stig eftir 11 umferðir.
Þá var Íslandingaslagur í lokaumferð í næst efstu deild í Danmörku. Sonderjyske vann deildina en liðið mætti Kolding IF sem verður áfram í deildinni á næstu leiktíð eftir að hafa hafnað í 3. sæti.
Daníel Leó Grétarsson lék allan leikinn fyrir Sonderjyske en Atli Barkarson og Kristall Máni Ingason voru ekki í leikmannahópnum. Davíð Ingvarsson kom inn á sem varamaður hjá Kolding en Ari Leifsson var ónotaður varamaður.
