Kylian Mbappe mun ekki leika með franska landsliðinu á Ólympíuleikunum í París í sumar.
Frakkar höfðu vonast eftir því að Mbappe myndi spila með liðinu á heimavelli, en svo verður ekki. Emmanuel Macron, Frakklandsforseti, var á meðal þeirra sem kölluðu eftir því að Mbappe yrði í hópnum.
Frakkar höfðu vonast eftir því að Mbappe myndi spila með liðinu á heimavelli, en svo verður ekki. Emmanuel Macron, Frakklandsforseti, var á meðal þeirra sem kölluðu eftir því að Mbappe yrði í hópnum.
Mbappe mun í sumar ganga í raðir Real Madrid, en það er talið að spænska stórveldið vilji ekki að hann taki þátt á Ólympíuleikunum og komi svo gífurlega þreyttur til Madrídar. Mbappe er auðvitað í landsliðshópi Frakka sem tekur þátt á EM í Þýskalandi. Það mót hefst eftir ellefu daga núna.
Það eru tveir leikmenn úr franska EM-hópnum sem er einnig í Ólympíuhópnum, en það eru Warren Zaire-Emery og Bradley Barcola, ungir leikmenn PSG.
Goðsögnin Thierry Henry er þjálfari Ólympíuliðs Frakka en á fyrir Ólympíuleikana má í mesta lagi velja þrjá leikmenn sem eru eldri en 23 ára. Hinir leikmennirnir þurfa að vera 23 ára og yngri. Henry valdi framherjana Alexandra Lacazette og Jean-Philippe Mateta en þeir eru einu leikmennirnir í hópnum sem eru eldri en 23 ára.
Hópurinn er annars mjög sterkur og til alls líklegur á heimavelli.
Markverðir: Lucas Chevalier (Lille), Guillaume Restes (Toulouse), Obed Nkambadio (Paris FC), Robin Risser (Strasbourg)
Varnarmenn: Bafodé Diakité (Lille), Maxime Estève (Burnley), Bradley Locko (Brest), Castello Lukeba (Leipzig), Kiliann Sildillia (Fribourg), Adrien Truffert (Rennes), Lenny Yoro (Lille)
Miðjumenn: Maghnes Akliouche (Monaco), Joris Chotard (Montpellier), Désiré Doué (Rennes), Manu Koné (Mönchengladbach), Khephren Thuram (Nice), Enzo Millot (Stuttgart), Lesley Ugochokwu (Chelsea), Warren Zaire-Emery (PSG )
Framherjar: Michael Olise (Crystal Palace), Arnaud Kalimuendo (Rennes), Bradley Barcola (PSG), Alexandre Lacazette (OL), Jean-Philippe Mateta (Crystal Palace), Mathys Tel (Bayern Munich)
Athugasemdir