„Tilfinningin er geggjuð. Sjáðu hvað þetta þýðir fyrir fólkið," sagði Haraldur Björnsson, markvörður Stjörnunnar, eftir sigur á Breiðabliki í úrslitaleik Mjólkurbikarsins í kvöld.
Lestu um leikinn: Stjarnan 4 - 1 Breiðablik
Silfurskeiðin fékk bikarinn í hendurnar þegar Haraldur var í viðtalinu. „Þessi bikar er ónýtur held ég, þeir eru að fara að eyðileggja hann. Þetta er bara geggjað," sagði Haraldur léttur.
Haraldur varði vítaspyrnu frá Arnóri Gauta Ragnarssyni í 4-1 sigri Stjörnunnar í vítaspyrnukeppni.
„Ég náði hendi á boltann og sá síðan að boltinn skoppaði ofan á þaknetinu. Það var rosalega góð tilfinning."
Undir lok venjulegs leiktíma bjargaði Haraldur meistaralega þegar Brynjar Gauti Guðjónsson var næstum búinn að skora sjálfsmark.
„Ég veit ekki hvað Brynjar var að gera. Hann ætlaði að eyðileggja leikinn fyrir okkur. Sem betur fer náði ég honum."
Hér að ofan má sjá viðtalið í heild sinni.
Athugasemdir