Spænski miðjumaðurinn Rodri gæti snúið aftur á völlinn í lok tímabils en þetta kemur fram í Sun í dag.
Ballon d'Or sigurvegarinn sleit krossband í leik með Man City í byrjun tímabils og var áætlað að hann yrði frá út leiktíðina.
Hann var sendur í skurðaðgerð til Barcelona hjá hinum vinsæla Ramon Cugat og hefur síðan þá verið í ströngu endurhæfingarferli, en það ferli hefur gengið eins og í sögu.
Sun segir að leikmaðurinn sé byrjaður að hlaupa og er læknateymi Man City impónerað af hreyfigetu leikmannsins.
Áætlun Man City var að koma honum aftur á völlinn fyrir HM félagsliða sem fer fram næsta sumar en nú er ágætis möguleiki á að hann verði mættur aftur í lok tímabils, sem gæti verið gríðarlega mikilvægt fyrir liðið.
Man City hefur gengið skelfilega án Rodri á tímabilinu og er nú í 5. sæti með 27 stig, níu stigum frá toppliði Liverpool.
Athugasemdir
