Florian Wirtz
Ágætis möguleiki er á því að þýski landsliðsmaðurinn Florian Wirtz verði áfram hjá Bayer Leverkusen á næstu leiktíð. Kicker greinir frá.
Wirtz er 21 árs gamall sóknartengiliður sem hefur verið með þeim bestu í Evrópu síðustu tvö árin.
Hann spilaði stóra rullu í ótrúlegi gengi Leverkusen á síðustu leiktíð er það varð deildar- og bikarmeistari.
Barcelona, Bayern München, Manchester City og Real Madrid eru öll með hann á blaði fyrir næsta sumar. Það gæti hins vegar farið svo að hann taki eitt tímabil í viðbót með Leverkusen.
Kicker segir að Bayern geti ekki greitt uppsett kaupverð í sumar og sama á við um Barcelona.
Samband Wirtz og Leverkusen er mjög gott og er mikill áhugi fyrir því að halda samstarfinu áfram.
Wirtz, sem er samningsbundinn til 2027, hefur skorað 11 mörk og gefið 5 stoðsendingar í öllum keppnum með Leverkusen á tímabilinu.
Athugasemdir
