Það fara tveir leikir fram í ensku úrvalsdeildinni í dag þar sem Brighton tekur á móti Nottingham Forest í spennandi slag áður en einn eftirvæntasti leikur tímabilsins fer af stað.
Þar eiga Englandsmeistararnir í stórliði Manchester City heimaleik gegn Arsenal, sem hafa verið þeirra helstu keppinautar í titilbaráttu ensku úrvalsdeildarinnar síðustu tvö tímabil.
Nathan Aké og Oscar Bobb eru fjarverandi úr liði Man City vegna meiðsla og þá er Kevin De Bruyne tæpur. Arsenal er án Mikel Merino, Martin Ödegaard, Oleksandr Zinchenko, Takehiro Tomiyasu og Kieran Tierney.
Arsenal hafði betur í innbyrðisviðureignum liðanna á síðustu leiktíð, þar sem liðin gerðu markalaust jafntefli í Manchester eftir að Arsenal hafði unnið fyrri leikinn á heimavelli í október í fyrra.
Man City rúllaði þó yfir Arsenal leiktíðina þar á undan, 7-2 samanlagt.
City er með fullt hús stiga eftir fjórar fyrstu umferðir deildartímabilsins á meðan Arsenal er með tíu stig eftir að hafa gert jafntefli við Brighton í þriðju umferð.
Brighton og Nottingham Forest hafa bæði farið vel af stað og eru jöfn með 8 stig eftir 4 umferðir.
Til gamans má geta að þau fjögur lið sem mæta til leiks í dag eru einu liðin í úrvalsdeildinni sem eru enn taplaus.
Leikir dagsins:
13:00 Brighton - Nott. Forest
15:30 Man City - Arsenal
Stöðutaflan
England
Premier league - karlar
L | U | J | T | ms: | mf: | mun | Stig | ||
---|---|---|---|---|---|---|---|---|---|
1 | Liverpool | 5 | 4 | 0 | 1 | 10 | 1 | +9 | 12 |
2 | Man City | 4 | 4 | 0 | 0 | 11 | 3 | +8 | 12 |
3 | Aston Villa | 5 | 4 | 0 | 1 | 10 | 7 | +3 | 12 |
4 | Chelsea | 5 | 3 | 1 | 1 | 11 | 5 | +6 | 10 |
5 | Arsenal | 4 | 3 | 1 | 0 | 6 | 1 | +5 | 10 |
6 | Newcastle | 5 | 3 | 1 | 1 | 7 | 6 | +1 | 10 |
7 | Brighton | 4 | 2 | 2 | 0 | 6 | 2 | +4 | 8 |
8 | Fulham | 5 | 2 | 2 | 1 | 7 | 5 | +2 | 8 |
9 | Nott. Forest | 4 | 2 | 2 | 0 | 4 | 2 | +2 | 8 |
10 | Tottenham | 5 | 2 | 1 | 2 | 9 | 5 | +4 | 7 |
11 | Man Utd | 5 | 2 | 1 | 2 | 5 | 5 | 0 | 7 |
12 | Brentford | 5 | 2 | 0 | 3 | 7 | 9 | -2 | 6 |
13 | Bournemouth | 5 | 1 | 2 | 2 | 5 | 8 | -3 | 5 |
14 | West Ham | 5 | 1 | 1 | 3 | 5 | 9 | -4 | 4 |
15 | Leicester | 5 | 0 | 3 | 2 | 6 | 8 | -2 | 3 |
16 | Crystal Palace | 5 | 0 | 3 | 2 | 4 | 7 | -3 | 3 |
17 | Ipswich Town | 5 | 0 | 3 | 2 | 3 | 8 | -5 | 3 |
18 | Southampton | 5 | 0 | 1 | 4 | 2 | 9 | -7 | 1 |
19 | Everton | 5 | 0 | 1 | 4 | 5 | 14 | -9 | 1 |
20 | Wolves | 5 | 0 | 1 | 4 | 5 | 14 | -9 | 1 |
Athugasemdir