Það fór einn leikur fram í franska boltanum í kvöld þar sem OGC Nice tók á móti AS Saint-Étienne og uppskar sögulegan stórsigur.

Hinn efnilegi Youssoufa Moukoko var í byrjunarliði Nice í fyrsta sinn og skein hann skært í markamiklum fyrri hálfleik.

Nice komst í tveggja marka forystu eftir sjö mínútur, þar sem Tanguy Ndombele, fyrrum leikmaður Tottenham, komst á blað áður en Mohamed-Ali Cho setti þriðja mark heimamanna. Moukoko komst lokst á blað með fjórða markinu á 26. mínútu og lagði hann fimmta markið svo upp, áður en hann skoraði aftur og staðan orðin 6-0.

Nice vann að lokum 8-0 þar sem Moukoko, sem var keyptur frá Borussia Dortmund í sumar, var skipt af velli á 62. mínútu.

Nice er með sjö stig eftir fimm fyrstu umferðirnar á nýju tímabili. St. Etienne er aðeins með þrjú stig eftir þetta risastóra tap.