Man City gerði markalaust jafntefli við Inter í Meistaradeildinni í miðri viku, þar sem Kevin De Bruyne fór meiddur af velli. Phil Foden var tæpur og byrjaði á bekknum en spilaði seinni hálfleikinn.

„Kevin líður betur í dag en við getum ekki tekið ákvörðun fyrr en á morgun, við verðum að sjá hvernig honum líður þá. Hann gæti tekið þátt í leiknum," sagði Pep um De Bruyne.

„Phil þurfti smá hvíld á upphafi nýs tímabils. Hann spilaði góðar 45 mínútur gegn Inter. Þetta er ótrúlega hæfileikaríkur fótboltamaður sem var besti leikmaður deildarinnar á síðustu leiktíð. Auðvitað þarf að vera heilbrigð samkeppni í leikmannahópinum, hann getur ekki spilað alla leiki.

„Ég er ótrúlega ánægður með að Foden sé kominn aftur við fulla heilsu. Hann er tilbúinn til að spila 90 mínútur."

Það má því búast við að Foden verði í byrjunarliðinu gegn Arsenal á meðan De Bruyne gæti byrjað á varamannabekknum.