Stoke City og Hull City áttust við í fyrsta leik helgarinnar í Championship deildinni og tóku heimamenn forystuna í fyrri hálfleik.

Ben Wilmot skoraði á 30. mínútu og leiddi Stoke allt þar til á 63. mínútu, þegar Kasey Palmer steig á vítapunktinn fyrir gestina.

Palmer lét verja spyrnuna frá sér en tókst að fylgja eftir með marki til að jafna metin.

Leikurinn var jafn en Hull tókst að tryggja sér sigurinn með tveimur mörkum á lokakaflanum. Regan Slater skoraði fyrst áður en Viktor Johansson gerði sjálfsmark á 79. mínútu.

Lokatölur urðu 1-3 fyrir Hull og eru bæði Stoke og Hull með 6 stig eftir 6 umferðir.