Bestu deild karla hefur verið skipt í tvennt og eiga KR og Fram heimaleiki gegn Vestra og Fylki í fallbaráttunni.

Fram er sem stendur í mjög góðri stöðu í fallbaráttunni, níu stigum fyrir ofan fallsæti, en KR er aðeins þremur stigum fyrir ofan fallsæti. Vestri og Fylkir eru aftur á móti liðin í fallsætunum tveimur og þurfa helst sigra í dag.

Það er mikil spenna í Bestu deild kvenna þar sem aðeins þrjár umferðir eru eftir af deildartímabilinu og eru Breiðablik og Valur í harðri titilbaráttu eins og oft áður.

Þau eiga bæði heimaleiki í dag, þar sem Valur tekur á móti FH á meðan Breiðablik fær Þór/KA í heimsókn frá Akureyri.

Keflavík og ÍR eigast svo við í undanúrslitum í umspili Lengjudeildar karla um síðasta lausa sætið í Bestu deildinni á næsta ári, en Keflavík er í frábærri stöðu eftir þægilegan sigur með þriggja marka mun í fyrri leiknum í Breiðholti.

Að lokum spilar Einherji við Hauka í úrslitakeppni 2. deildar kvenna, en Haukar hafa þegar tryggt sér toppsæti deildarinnar á meðan Einherji siglir lygnan sjó.

Besta-deild karla - Neðri hluti
14:00 KR - Vestri (Meistaravellir)
19:15 Fram - Fylkir (Lambhagavöllurinn)

Besta-deild kvenna - Efri hluti
14:00 Valur-FH (N1-völlurinn Hlíðarenda)
14:00 Breiðablik-Þór/KA (Kópavogsvöllur)

Lengjudeild karla - Umspil
14:00 Keflavík-ÍR (HS Orku völlurinn)

2. deild kvenna - A úrslit
14:00 Einherji-Haukar (Vopnafjarðarvöllur)