Olympiakos varð með sigrinum fyrsta gríska félagið til að sigra evrópukeppni og fögnuðu stuðningsmenn liðsins dátt, eins og má sjá hér fyrir neðan.

Sigur Olympiakos er í raun kraftaverki líkastur eftir að liðið var hársbreidd frá því að vera slegið úr leik í 16-liða úrslitum, gegn ísraelska stórliðinu Maccabi Tel Aviv.

Olympiakos tapaði fyrri leiknum gegn Maccabi á heimavelli sínum í Grikklandi, þar sem gestirnir frá Ísrael skoruðu fjögur mörk til að sigra slaginn. Ofurtölva tölfræðivefsíðunnar vinsælu Opta Stats reiknaði út sigurlíkur liða eftir fyrri umferðina í 16-liða úrslitum og var Olympiakos í neðsta sæti yfir mögulegar sigurlíkur í keppninni - með 0,1% líkur á sigri.

Maccabi Tel Aviv var þá með 7,7% líkur á sigri í keppninni, en Grikkirnir voru ekki búnir að gefast upp og áttu magnaðan seinni leik sem fór fram á hlutlausum velli vegna stríðsástands. Þar skoruðu þeir sex mörk til að tryggja sig í 8-liða úrslitin.

Eftir það fór Olympiakos í gegnum afar sterk lið Fenerbahce og Aston Villa til að tryggja sér farmiða í úrslitaleikinn.

According to OPTA, the probability of each team winning the Conference League, after Olympiacos lost 1-4 to Maccabi
byu/panamolegos insoccer