Húsvíkingar fara leiktíðina vel af stað. Liðið hafði unnið fyrstu þrjá leikina áður en það mætti Dalvík/Reyni.

Það tók liðið tæpar 80 mínútur að brjóta gestina á bak aftur í leiknum en Krista Eik Harðardóttir gerði fyrra markið áður en Auður Ósk Kristjánsdóttir gulltryggði sigurinn í lokin. Auður var að spila sinn fyrsta leik fyrir meistaraflokk en hún er aðeins 12 ára gömul.

Völsungur er á toppnum með 12 stig eftir fjóra leiki en Dalvík/Reynir, sem er á botninum, er án stiga.

Einherji slátraði ÍH, 8-0, á Vopnafirði. Coni Adelina Ion og Karólína Dröfn Jónsdóttir skoruðu þrennu í leiknum og þá komust þær Claudia Maria Daga Merino og Oddný Karólína Hafsteinsdóttir einnig á blað.

Þetta var annar sigur Einherja á tímabilinu en liðið er með sex stig eftir fjóra leiki á meðan ÍH er í öðru sæti með 9 stig.

Álftanes og KH gerðu 3-3 jafntefli. Eydís María Waagfjörð skoraði tvö fyrir Álftnesinga og þá gerði Ágústa María Valtýsdóttir tvö fyrir KH.

Úrslit og markaskorarar:

Einherji 8 - 0 ÍH
1-0 Coni Adelina Ion ('2 )
2-0 Karólína Dröfn Jónsdóttir ('3 )
3-0 Coni Adelina Ion ('16 )
4-0 Karólína Dröfn Jónsdóttir ('35 )
5-0 Claudia Maria Daga Merino ('47 )
6-0 Karólína Dröfn Jónsdóttir ('53 )
7-0 Coni Adelina Ion ('62 )
8-0 Oddný Karólína Hafsteinsdóttir ('68 )

Völsungur 2 - 0 Dalvík/Reynir
1-0 Krista Eik Harðardóttir ('79 )
2-0 Auður Ósk Kristjánsdóttir ('90 )

Álftanes 3 - 3 KH
1-0 Eydís María Waagfjörð ('29 )
1-1 Ágústa María Valtýsdóttir ('40 )
2-1 Þóra María Hjaltadóttir ('59 )
2-2 Ágústa María Valtýsdóttir ('82 )
3-2 Eydís María Waagfjörð ('82 )
3-3 Arna Ósk Arnarsdóttir ('88 )