Það var háspenna og dramatík er Haukar unnu fjórða leik sinn í 2. deild kvenna í ár en það var Edda Mjöll Karlsdóttir sem gerði sigurmarkið í uppbótartíma í ótrúlegum 5-4 sigri á Augnabliki.
Haukakonur hafa verið sjóðandi heitar í byrjun sumars. Leikmenn skora að vild en það fékk alvöru leik frá Blikunum á Kópavogsvelli.
Augnablik komst í 2-0. Edith Kristín Kristjánsdóttir og Líf Joostdóttir van Bemmel skoruðu tvö á sex mínútum áður en Ana Bral minnkaði muninn níu mínútum síðar.
Staðan í hálfleik 2-1 Augnablik í vil. Melkorka Kristín Jónsdóttir kom þeim aftur í tveggja marka forystu á 50. mínútu en Haukar svöruðu.
Halla Þórdís Svansdóttir svaraði með marki á 54. mínútu áður en Elín Björg Norðfjörð Símonardóttir jafnaði á 62. mínútu.
Hún gerði annað mark sitt á 82. mínútu og náði þar með að snúa taflinu við en Sunna Kristín Gísladóttir jafnaði fyrir Augnablik þegar fjórar mínútur voru eftir af venjulegum leiktíma.
Þegar komið var í uppbótartíma náðu Haukar að knýja fram sigur í gegnum Eddu Mjöll Karlsdóttur og þar við sat. Magnaður 5-4 sigur Hauka sem eru með fullt hús stiga eftir fjórar umferðir en Augnablik með 6 stig.
Sindri og KR gerðu 2-2 jafntefli á Jökulfellsvellinum á Höfn í Hornafirði.
Katla Guðmundsdóttir kom KR á bragðið á 3. mínútu með marki úr vítaspyrnu. Inna Dimova svaraði á 26. mínútu leiksins en fleiri urðu mörkin ekki í fyrri hálfleik.
Markamaskínan Alice Walker kom KR-ingum aftur í forystu á 62. mínútu og var útlit fyrir að KR væri að fara sækja góðan útisigur en Thelma Björg Gunnarsdóttir hélt ekki. Hún jafnaði metin á 88. mínútu og nældi í stig fyrir heimakonur.
Thelma er aðeins 15 ára gömul og var að skora sitt þriðja mark á tímabilinu.
KR er í 3. sæti með 10 stig en Sindri með 4 stig í 8. sæti.
Sindri 2 - 2 KR
0-1 Katla Guðmundsdóttir ('3 , Mark úr víti)
1-1 Inna Dimova ('26 )
1-2 Alice Elizabeth Walker ('62 )
2-2 Thelma Björg Gunnarsdóttir ('88 )
Augnablik 4 - 5 Haukar
1-0 Edith Kristín Kristjánsdóttir ('21 )
2-0 Líf Joostdóttir van Bemmel ('27 )
2-1 Ana Catarina Da Costa Bral ('36 )
3-1 Melkorka Kristín Jónsdóttir ('50 )
3-2 Halla Þórdís Svansdóttir ('54 )
3-3 Elín Björg Norðfjörð Símonardóttir ('62 )
3-4 Elín Björg Norðfjörð Símonardóttir ('82 )
4-4 Sunna Kristín Gísladóttir ('86 )
4-5 Edda Mjöll Karlsdóttir ('91 )
2. deild kvenna
Lið | L | U | J | T | Mörk | mun | Stig |
---|---|---|---|---|---|---|---|
1. Haukar | 7 | 6 | 1 | 0 | 39 - 11 | +28 | 19 |
2. Völsungur | 7 | 6 | 0 | 1 | 28 - 3 | +25 | 18 |
3. KR | 6 | 5 | 1 | 0 | 23 - 4 | +19 | 16 |
4. KH | 7 | 5 | 1 | 1 | 16 - 9 | +7 | 16 |
5. ÍH | 7 | 5 | 0 | 2 | 38 - 16 | +22 | 15 |
6. Einherji | 7 | 4 | 1 | 2 | 16 - 9 | +7 | 13 |
7. Fjölnir | 6 | 3 | 0 | 3 | 22 - 12 | +10 | 9 |
8. Augnablik | 6 | 3 | 0 | 3 | 17 - 13 | +4 | 9 |
9. Sindri | 8 | 2 | 1 | 5 | 13 - 42 | -29 | 7 |
10. Álftanes | 7 | 1 | 1 | 5 | 13 - 25 | -12 | 4 |
11. Smári | 6 | 0 | 1 | 5 | 4 - 26 | -22 | 1 |
12. Vestri | 8 | 0 | 1 | 7 | 4 - 34 | -30 | 1 |
13. Dalvík/Reynir | 6 | 0 | 0 | 6 | 6 - 35 | -29 | 0 |
Athugasemdir