Jakob Gunnar Sigurðsson fór mikinn í 3-1 sigri Völsungs á Haukum í 2. deild karla í dag en hann skoraði öll mörk Húsvíkinga. Höttur/Huginn vann þá annan leik sinn í deildinni er liðið lagði Kormák/Hvöt að velli, 3-1.
Haukar gerðu vel í byrjun leiktíðar og unnu fyrstu tvo leiki sína en hafa ekki náð í sigur í síðustu þremur.
Jakob Gunnar skoraði fyrsta mark Völsung á 41. mínútu áður en hann tvöfaldaði forystuna á 67. mínútu. Hann fullkomnaði þrennu sína með marki úr vítaspyrnu á 84. mínútu áður en Djordje Biberdzic gerði sárabótarmark fyrir Hauka mínútu síðar.
Völsungur, sem var að vinna þriðja leik sinn í röð, er í 3. sæti með 9 stig en Haukar með 8 stig í 5. sæti deildarinnar.
Höttur/Huginn vann annan leik sinn er Kormákur/Hvöt kom í heimsókn á Fellavöll.
Martim Cardoso skoraði opnunarmarkið á 11. mínútu fyrir heimamenn en Papa Tecagne jafnaði undir lok hálfleiksins. Acai Rodriguez, leikmaður Kormáks/Hvatar, varð fyrir því óláni að koma boltanum í eigið net á 76. mínútu áður en Heiðar Logi Jónsson gulltryggði heimamönnum sigurinn.
Höttur/Huginn er í 6. sæti með 8 stig en Kormákur/Hvöt með 4 stig í 8. sæti.
Úrslit og markaskorarar:
Höttur/Huginn 3 - 1 Kormákur/Hvöt
1-0 Martim Fortuna Soares Sequeira Cardoso ('11 )
1-1 Papa Diounkou Tecagne ('40 )
2-1 Acai Nauset Elvira Rodriguez ('76 , Sjálfsmark)
3-1 Heiðar Logi Jónsson ('90 )
Haukar 1 - 3 Völsungur
0-1 Jakob Gunnar Sigurðsson ('41 )
0-2 Jakob Gunnar Sigurðsson ('67 )
0-3 Jakob Gunnar Sigurðsson ('84 , Mark úr víti)
1-3 Djordje Biberdzic ('85 )
2. deild karla
Lið | L | U | J | T | Mörk | mun | Stig |
---|---|---|---|---|---|---|---|
1. Selfoss | 7 | 6 | 1 | 0 | 17 - 6 | +11 | 19 |
2. Víkingur Ó. | 8 | 5 | 3 | 0 | 19 - 7 | +12 | 18 |
3. Ægir | 8 | 4 | 3 | 1 | 15 - 9 | +6 | 15 |
4. Völsungur | 8 | 4 | 1 | 3 | 17 - 11 | +6 | 13 |
5. KFA | 8 | 4 | 1 | 3 | 20 - 17 | +3 | 13 |
6. Kormákur/Hvöt | 8 | 3 | 2 | 3 | 8 - 8 | 0 | 11 |
7. Þróttur V. | 8 | 3 | 1 | 4 | 8 - 14 | -6 | 10 |
8. Höttur/Huginn | 8 | 2 | 3 | 3 | 16 - 20 | -4 | 9 |
9. Haukar | 7 | 2 | 2 | 3 | 9 - 11 | -2 | 8 |
10. KFG | 8 | 2 | 0 | 6 | 8 - 11 | -3 | 6 |
11. Reynir S. | 8 | 1 | 2 | 5 | 9 - 22 | -13 | 5 |
12. KF | 8 | 1 | 1 | 6 | 8 - 18 | -10 | 4 |
Athugasemdir