Gareth Bale, fyrrum leikmaður Real Madrid og Tottenham, er sérstakur gestur á úrslitaleik Meistaradeildar Evrópu, en hann hefur komið að herferðum og öðru í kringum leik Madrídinga við Borussia Dortmund í Lundúnum.
Fyrrum fótboltamaðurinn var frábær í liði Madrídinga á þeim níu árum sem hann spilaði hjá félaginu en hann náði því magnaða afreki að vinna Meistaradeildina fimm sinnum.
Hans stærsta augnablik í úrslitum var gegn Liverpool árið 2018 en hann skoraði tvö stórkostleg mörk í leiknum.
Fyrra markið hans er eitt það flottasta sem skorað hefur verið í úrslitum keppninnar en hann tók ótrúlega hjólhestaspyrnu úr teignum og efst í vinstra hornið.
Seinna markið var laglegt en má þó skrifa á þýska markvörðinn Loris Karius, sem kýldi boltann í eigið net.
„Af hverju gerðir þú þetta?“ sagði Jürgen Klopp. fyrrum stjóri Liverpool, við Bale eftir markið.
What. A. Goal.
— UEFA Champions League (@ChampionsLeague) November 26, 2021
2018: Gareth Bale in the final ????@GarethBale11 | #UCL pic.twitter.com/8Ii70ue316
Athugasemdir