Brasilíski sóknarmaðurinn Vinicius Junior er að gera sig líklegan til að vinna Ballon d'Or verðlaunin síðar á þessu ári en hann gerði síðara mark Real Madrid í 2-0 sigrinum á Borussia Dortmund í úrslitum í gær.
Tímabil Vinicius hefur verið fyllt af blendnum tilfinningum. Hann hefur barist gegn kynþáttafordómum frá stuðningsmönnum annarra liða, en á vellinum hefur hann átti sitt besta tímabil til þessa.
Hann kom að 35 mörkum í 39 leikjum í öllum keppnum á tímabilinu og var það kirsuberið á kökuna þegar hann gerði annað markið í úrslitaleiknum.
Brasilíumaðurinn er dýrkaður og dáður í Madríd, en hann vildi sýna stuðningsmönnunum ást sína með því að fara upp í stúku.
Tilfinningarnar voru sterkar. Þeir kepptust við að kyssa og knúsa Vinicius, sem var farinn að óttast öryggi sitt á einum tímapunkti, eins og má sjá á myndbandinu sem fylgir fréttinni.
Real Madrid fans showing love for Vinicius. This is his team. ???????? pic.twitter.com/oDpYpLqeow
— Dr Yash ? (@YashRMFC) June 1, 2024
Athugasemdir