Englendingurinn vann Meistaradeildina í fyrsta sinn á ferlinum og það á sínu fyrsta tímabili með Madrídingum.

Eftir leikinn var Bellingham nálægt því að bresta í grát eftir að hann sá foreldra sína í stúkunni.

Fyrsta sem hann gerði var að setja medalíuna utan um háls móður sinnar.

Bellingham hitti portúgalska þjálfarann Jose Mourinho á vellinum, sem var spekingur í sjónvarpi, en Bellingham spurði Mourinho hvort hann væri til í að vera á mynd með mömmu sinni.

Móðir Bellingham er mikill aðdáandi Mourinho og fékk því myndina.

„Ég bað Mourinho um mynd með mömmu. Hún hefur verið aðdáandi hans til margra ára,“ sagði Bellingham sem tók myndina af þeim tveimur.

Eftir myndatökuna sagði Mourinho síðan við Bellingham í léttu gríni: „Núna kemur þú til Fenerbahce.“ .