C-riðillinn: Síðasti dansinn hjá litla snillingnum

1. Argentína 🇦🇷
Staða á heimslista: 3
Suður-Ameríkumeistararnir koma inn í mótið taplausir í 35 leikjum í röð. Þetta er síðasti dans Lionel Messi á HM og það eru margir sem vonast eftir því að þessi magnaði fótboltamaður muni kveðja sem heimsmeistari. Þeir ollu vonbrigðum á HM 2018 en hafa náð vopnum sínum og mæta sterkir á þetta mót.



Fylgist með: Matty Cash


Er fæddur og uppalinn í Englandi, og hefur leikið þar allan sinn feril. En móðir hans er pólsk og því gat hann spilað fyrir pólska landsliðið. Hann valdi að gera það þar sem hann var ekki að fá tækifærin með Englandi. Frábær hægri bakvörður fyrir Pólverja að hafa og verður fróðlegt að fylgjast með honum í Katar.

3. Mexíkó 🇲🇽
Staða á heimslista: 13
Mexíkóar hafa ekki litið sérlega vel út í aðdraganda mótsins og það eru áhyggjur í landinu fyrir mótið. Mexíkó vill pressa hátt og spila fallegan fótbolta, en það hefur gengið illa hjá þeim að halda út heila leiki. Það hafa líka verið meiðsli að plaga hópinn sem eru ekki góð tíðindi. Mexíkó hefur fallið út í 16-liða úrslitum frá 1994, en komast þeir upp úr riðlinum núna?

Þjálfarinn: Gerardo “Tata” Martino


Hinn gamalreyndi Tata Martino er að þjálfa Mexíkó og hefur gert það frá því í janúar 2019. Hann þjálfaði þar áður Barcelona meðal annars. Hann byrjaði af krafti í starfinu en síðan þá hefur leiðin legið niður á við. Tata hefur sjálfur kallað sig óvin númer eitt í Mexíkó og hefur kannski ekki alveg rangt fyrir sér hvað það varðar.

Lykilmaður: Hirving Lozano


Þegar Chucky - eins og hann er kallaður - er á deginum sínum þá er hann illviðráðanlegur. Þessi kantmaður Napoli á Ítalíu þarf að eiga gott mót. Getur líka spilað sem fölsk nía og leyst það vel. Er með mikinn sprengikraft og góða tækni. Búinn að spila vel með Napoli á þessari leiktíð.

Fylgist með: Guilermo Ochoa


Það er líkt og þessi hárprúði markvörður spili bara fótbolta á fjögurra ára fresti. Maður sér hann yfirleitt bara spila á HM og þegar hann spilar á stærsta sviðinu þá er hann yfirleitt ótrúlega góður. Maður mun líklega velta því fyrir sér á meðan maður fylgist með leikjum Mexíkó af hverju Ochoa sé ekki að spila með Barcelona eða Manchester United. En honum líður einfaldlega best þegar hann spilar á HM. Leikur í dag með America í heimalandinu.



4. Sádí-Arabía 🇸🇦
Staða á heimslista: 51
Koma inn í mótið sem veikasta liðið í þessum riðli. Þeir trúa á sjálfa sig en enginn annar gerir það. Það kæmi ekkert á óvart ef Sádí-Arabía endar án stiga í þessum flókna riðli. Tóku vináttulandsleik gegn B-liði Íslands á dögunum og unnu 1-0 sigur.

Þjálfarinn: Herve Renard


Frakkinn hefur gert góða hluti sem þjálfari landsliða í Afríku; meðal annars Fílabeinsstrandarinnar og Marokkó. Núna er hann mættur til Sádí-Arabíu þar sem hann fær örugglega vel greitt. Hann hefur staðið sig vel hingað til og undir hans stjórn endaði Sádí-Arabía fyrir ofan Japan og Ástralíu í undankeppninni. En þessi riðill er stærra og erfiðara verkefni.

Lykilmaður: Salem al-Dawsari


Verið algjör lykilmaður fyrir Al-Hilal, besta liðið í Sádí-Arabíu. Franski sóknarmaðurinn Bafétimbi Gomis, sem spilaði áður fyrr með Al-Hilal, segir að fellibylurinn - eins og Al-Dawsari er kallaður, sé besti leikmaðurinn í Asíu.

Fylgist með: Saud Abdulhamid


Sprækur hægri bakvörður sem er að berjast um sæti í liðinu. Sýndi að hann er með nokkur gæði þegar hann skoraði sigurmarkið gegn Íslandi á dögunum.

Þessi riðill hefst 22. nóvember með leik Argentínu og Sádí-Arabíu. Búist er við afar sannfærandi sigri Argentínu þar.

Leikirnir:

þriðjudagur 22. nóvember
10:00 Argentína - Sádí Arabía (Lusail Iconic Stadium, Lusail)
16:00 Mexíkó - Pólland (Stadium 974, Doha)

laugardagur 26. nóvember
13:00 Pólland - Sádí Arabía (Education City Stadium, Al Rayyan)
19:00 Argentína - Mexíkó (Lusail Iconic Stadium, Lusail)

miðvikudagur 30. nóvember
19:00 Sádí Arabía - Mexíkó (Lusail Iconic Stadium, Lusail)
19:00 Pólland - Argentína (Stadium 974, Doha)