Broja í frönsku deildina?
BBC segir að Chelsea sé með sóknarmanninn Armando Broja á sölulista. Mörg félög í Evrópu hafa áhuga á albanska sóknarmanninum, þar á meðal franska félagið Mónakó.

Broja er 22 ára og átti misheppnaða lánsdvöl hjá Fulham sem hefur ekki áhuga á að kaupa hann alfarið. Áður lék hann fyrir Vitesse og Southampton.

Broja hefur áður verið orðaður við AC Milan og Wolves sem gætu veitt Mónakó samkeppni um leikmanninn.

Mónakó er í leit að sóknarmanni í stað Wissam Ben Yedder sem er á förum, Karim Konate hjá Red Bull Salzburg og Georges Mikautadze hjá Ajax eru einnig á blaði.

Broja var með um 50 milljóna punda verðmiða í janúar en hann gæti hrapað í 25-30 milljónir.