| mán 15.apr 2019 16:00 Mynd: Fótbolti.net - Einar Ásgeirsson |
|
Spá Fótbolta.net - 8. sæti: Fylkir
Sérfræðingar Fótbolta.net spá því að Fylkir endi í 8. sæti í Pepsi Max-deildinni í sumar. Fréttaritarar spá í deildina en þeir raða liðunum upp í röð og það lið sem er í efsta sæti fær 12 stig, annað sæti 11 og svo koll af kolli niður í tólfta sæti sem gefur eitt stig. Fylkir endar í 8. sæti ef spáin rætist.
1. ?
2. ?
3. ?
4. ?
5. ?
6. ?
7. ?
8. Fylkir 45 stig
9. Grindavík 35 stig
10. ÍBV 34 stig
11.Víkingur R. 25 stig
12. HK 12 stig
Um liðið: Árbæingar voru nýliðar í Pepsi-deildinni í fyrra og enduðu í 8. sæti með 26 stig. Þeir sluppu alveg við fallbaráttu í fyrra. Undirbúningstímabilið hefur gengið vel hjá Fylki sem hefur spilað marga leiki á heimavelli sínum í vetur. Liðið tapaði ekki leik í Lengjubikarnum en endaði tveimur stigum á eftir KR.
Þjálfari - Helgi Sigurðsson: Helgi tók við Fylkisliðinu fyrir sumarið 2017 þegar liðið var í Inkasso-deildinni. Hann fór upp með Fylki á fyrsta tímabili og í fyrra endaði liðið í 8. sæti deildarinnar. Helgi var aðstoðarþjálfari hjá Víkingum áður en hann tók við Fylki. Helgi átti farsælan feril sem framherji á sínum tíma en hann lék bæði heima sem og erlendis með liðum eins og Panathinaikos, AGF og Stabæk. Þá skoraði Helgi tíu mörk í 62 leikjum með íslenska landsliðinu á ferli sínum.
Styrkleikar: Liðið er byggt upp á sama kjarna og síðustu ár. Leikmenn þekkjast vel og liðið að fara inn í sitt þriðja tímabil undir stjórn Helga Sig. Menn eru tilbúnir að fórna sér fyrir félagið. Þeir hafa á að skipa hröðum sóknarmönnum sem gæti verið hættulegt vopn hjá annars skipulögðu liði.
Veikleikar: Fylkir náðu í næst fæst stig allra liða í Pepsi-deildinni í fyrra á útivelli og það er eitthvað sem þeir þurfa að breyta í sumar. Tveir markahæstu leikmenn liðsins frá því í fyrra eru horfnir á braut og nú þarf Helgi Sig að finna nýja markaskorara. Annað tímabil í efstu deild hefur reynst félögum oft erfitt.
Lykilmenn: Ólafur Ingi Skúlason og Helgi Valur Daníelsson. Tveir reynslu estu leikmenn liðsins. Þeir þurfa að drífa liðið áfram ef ekki á illa að fara. Helgi Valur hefur spilað vel á undirbúningstímabilinu og er að finna sitt gamla form.
Gaman að fylgjast með: Sam Hewson. Einn af reyndari miðjumönnum deildarinnar gekk í raðir Fylkis frá Grindavík í vetur. Kröftugur miðjumaður sem á að fylla skarð Ásgeirs Barkar.
Spurningamerkið: Tveir markahæstu leikmenn liðsins eru farnir frá liðinu. Hver skorar mörkin fyrir Fylki í sumar?
Völlurinn: Annað árið er í röð leikur Fylkir heimaleiki sína á gervigrasvelli með nýlegri stúku. Glæsileg stúka er á svæðinu og er heimavöllur Fylkis því orðinn einn sá glæsilegasti á höfuðborgasvæðinu.
Þjálfarinn segir - Helgi Sigurðsson
„Það var alltaf verið að spá okkur þessi sæti í gegnum veturinn. Það er ekkert sem er að koma mikið á óvart. Þetta er sætið sem við lentum í, í fyrra. Það mátti búast við þessu þrátt fyrir að við séum nánast taplausir í allan vetur. Ég veit ekki hvað menn eru að miða við í þessari spá en við erum held ég búnir að tapa einum fótboltaleik í vetur, sem var úrslitaleikur Reykjavíkurmótsins. Hin liðin hljóta að vera mjög góð. Ég er mjög ánægður með liðið og við höfum staðið okkur mjög vel í vetur og unnið flesta leiki. Við stefnum hærra en 8. sætið en gerum okkur grein fyrir því að það getur brugðið til beggja vona en 8. sætið yrði ásættanlegur árangur en við viljum helst fara hærra."
Komnir:
Arnór Gauti Ragnarsson frá Breiðabliki
Leonard Sigurðsson frá Keflavík
Sam Hewson frá Grindavík
Tristan Koskor frá Tammeka
Farnir:
Albert Brynjar Ingason í Fjölni
Ásgeir Börkur Ásgeirsson í HK
Ásgeir Örn Arnþórsson í Aftureldingu
Elís Rafn Björnsson í Stjörnuna
Jonathan Glenn í ÍBV
Oddur Ingi Guðmundsson
Fyrstu fimm leikir Fylkis:
27. apríl ÍBV - Fylkir
5. maí Fylkir - ÍA
12. maí KR - Fylkir
16. maí Fylkir - Valur
20. maí Grindavík - Fylkir
Sjá einnig:
Sjá einnig:
Hin hliðin - Ari Leifsson
Niðurtalningin: Fylkir - Aron Snær og Ragnar Bragi
Leikmenn Fylkis sumarið 2019:
Andrés Már Jóhannesson
Andri Þór Jónsson
Ari Leifsson
Aron Snær Friðriksson
Arnór Gauti Ragnarsson
Axel Andri Antonsson
Ásgeir Eyþórsson
Benedikt Daríus Garðarsson
Bjarki Ragnar Sturlaugsson
Björn Metúsalem Aðalsteinsson
Daði Ólafsson
Daníel Steinar Kjartansson
Davíð Þór Ásbjörnsson
Emil Ásmundsson
Gylfi Gestsson
Hákon Ingi Jónsson
Orri Sveinn Stefánsson
Ólafur Ingi Skúlason
Ragnar Bragi Sveinsson
Valdimar Þór Ingimundarson
Sam Hewson
Leonard Sigurðarson
Ólafur Kristófer Helgason
Helgi Valur Daníelsson
Kristófer Leví Sigtryggsson
Tristan Koskor
Spámennirnir: Arnar Daði Arnarsson, Arnar Helgi Magnússon, Benedikt Bóas Hinriksson, Daníel Geir Mortiz, Elvar Geir Magnússon, Guðmundur Aðalsteinn Ásgeirsson, Gunnar Birgsson, Hafliði Breiðfjörð, Magnús Már Einarsson, Tómas Þór Þórðarson
Athugasemdir
Nýjustu fréttirnar
