Tindastóll hafði betur gegn Kríu, 2-1, í fimmtu umferð 4. deildar karla á Vivaldi-vellinum í kvöld.

David Bercedo skoraði bæði mörk gestanna í leiknum. Fyrra markið kom á 31. mínútu en seinna á 57. mínútu. Hann er kominn með átta mörk í deild- og bikar á sínu fyrsta tímabili með Stólunum.

Páll Bjarni Bogason minnkaði muninn fyrir Kríu þegar hálftími var eftir af leiknum.

Á lokamínútunum fékk Dominic Louis Furness, leikmaður TIndastóls, að líta rauða spjaldið, en það kom ekki að sök í þetta sinn. Lokatölur 2-1 fyrir Stólunum sem eru með 7 stig í 6. sæti og Kría í sætinu fyrir ofan með jafn mörg stig.