Brasilíski markvörðurinn Ederson verður að fara fram á sölu ef hann ætlar sér að yfirgefa Manchester City í sumar. Daily Star greinir frá.
Ederson, sem er þrítugur, hefur undanfarnar vikur verið orðaður við félög í Sádi-Arabíu.
Markvörðurinn er samningsbundinn Man City til 2026 en samkvæmt ensku miðlunum er enska félagið opið fyrir því að selja hann í sumarglugganum.
Daily Star segir þó að Ederson verði að leggja fram formlega beiðni til félagsins um að fara.
Ederson hefur staðið á milli stanganna hjá Man City frá 2017 en hann hefur unnið fimmtán titla á þessum sjö árum.
Athugasemdir