Logi Tómasson.
Bakvörðurinn Logi Tómasson hefur verið að leika frábærlega með Stromsgödset í Noregi eftir að hann gekk í raðir félagsins frá Víkingum í fyrra.
Logi er farinn að vekja áhuga frá félögum utan Noregs eftir að hafa spilað afar vel með Stromsgödset.
Jostein Flo, yfirmaður fótboltamála hjá norska félaginu, segir að njósnarar séu duglegir að mæta á leiki hjá Stromsgödset og séu á öllum leikjum liðsins.
Hann nefndi fimm leikmenn sem eru að vekja áhuga og þar á meðal er Logi.
„Marko Farji, Elias Melkersen, Kreshnik Krasniqi, Jonas Therkelsen og Logi Tómasson," sagði Flo en hann sagðist jafnframt vonast til að halda bestu leikmönnunum sínum.
Athugasemdir
