Rafn Markús Vilbergsson hefur gert góða hluti með Njarðvík.
„Þetta er bara æfingamót en samt virkilega skemmtilegt móts. Við komumst í úrslitaleikinn núna en vorum ekkert spes í dag," sagði Rafn Markús Vilbergsson þjálfari Njarðvíkur eftir 2-0 tap gegn Gróttu í úrslitaleik B-deildar Fótbolta.net mótsins í kvöld en leikið var á Seltjarnarnesi.
„Þeir voru einfaldlega sterkari en við í dag. Við vorum í eltingaleik á tímabili en gerðum ágætlega hluti í fyrri. Svo var þetta erfitt, sérstaklega eftir að við fengum víti á okkur, þá varð þetta erfitt."
Njarðvík hefur fengið Atla Geir Gunnarsson frá Keflavík en misst Luka Jagacic í Reyni Sandgerði auk þess sem Magnús Þór Magnússon og Stefán Birgir Jóhannesson fóru í Kelavík.
„Við þurfum að stækka hópinn, breika hópinn og styrkja byrjunarliðið. Við þurfum því að bæta við. Við munum fá nokkra erlenda leikmenn eins og við vorum með í fyrra og gerðu virkilega vel fyrir okkur. Þeir voru lykilmenn í okkar liði. Svo höfum við augun opin fyrir heima og vonandi getum við fengið leikmenn hérna. Það er langt að fara Reykjanesbrautina."
Athugasemdir
