„Þetta er flott. Veðrið er gott og æfingavöllurinn er frábær, hann er blautur þannig að það er hægt að spila hraðan fótbolta á honum," sagði Fredrik Schram aðspurður hvernig honum litist á Katar.
Fredrik Schram spilaði allar 90 mínúturnar í marki Íslands sem að gerði jafntefli við Svíþjóð í æfingaleik í Katar á föstudaginn.
Fredrik Schram spilaði allar 90 mínúturnar í marki Íslands sem að gerði jafntefli við Svíþjóð í æfingaleik í Katar á föstudaginn.
Fredrik segist vonast eftir því að vera í landsliðshópnum þegar undankeppni EM hefst í mars.
„Auðvitað, ég vona það. Ég er ekki að hugsa svo mikið um það eins og staðan er. Ég reyni að einbeita mér eins mikið og ég get á hverri æfingu hérna úti."
„Hópurinn sem er hér úti er frábær. Margir af þessum strákum eru nýjir í hópnum og þeir hafa háleit markmið og drauma."
Fredrik Schram og Hjörtur Hermansson mynduðu lið í Pub Quiz-i sem að haldið var fyrir landsliðshópinn á hótelinu í Katar um helgina.
„Ég skildi ekki allt sem var verið að spyrja um, Hjörtur þurfti að þýða fyrir mig. Hjörtur er klókur og við mynduðum gott lið. Við hefðum unnið ef að við hefðum svarað spurningunni um Panama rétt!"
Fredrik á íslenska móður en hann hefur þó aldrei spilað hér á landi né búið. Athygli hefur vakið að Fredrik syngur íslenska þjóðsönginn hátt og snjallt fyrir leiki.
„Ég er bara mjög góður söngvari. Ég og Gummi Tóta erum saman í herbergi og við syngjum allan daginn. Af hverju ekki að syngja þjóðsönginn þegar ég kann hann?."
„Ég heyrði hann alltaf þegar ég var að spila með yngri landsliðunum og það var pirrandi að geta ekki sungið með þá svo að ég ákvað að læra hann."
Viðtalið við Fredrik má sjá í heild sinni hér að ofan.
Athugasemdir
