Marca er meðal fjölmiðla sem greina frá því að Real Madrid hefur ákveðið að breyta nafninu á leikvanginum sínum.
Hinn heimsfrægi Santiago Bernabéu mun breyta um nafn og vera endurskírður El Bernabéu, en talið er að stjórnendur Real Madrid ætli sér að selja nafnaréttinn á leikvanginum í framtíðinni.
Þetta er gert til að auka tekjur risaveldisins og fylgir Real Madrid með þessu í fótspor ýmissa annarra fótboltafélaga.
Stuðningsfólk Real Madrid hefur ekki tekið sérlega vel í þessar fregnir en talið er afar ólíklegt að félagið muni hætta við áform sín.
Athugasemdir
