Franski markvörðurinn Brice Samba er á leið til Rennes frá Lens en þetta segir Fabrizio Romano á X.
Þessi þrítugi leikmaður var á mála hjá enska félaginu Nottingham Forest frá 2019 til 2022.
Hann fór frá Forest eftir að félagið komst upp í efstu deild og gekk þá í raðir Lens.
Samba, sem hefur verið aðalmarkvörður Lens síðustu tvö ár, er nú á förum frá félaginu en hann er að ganga í raðir Rennes fyrir 14 milljónir evra.
Marseille var einnig sagt hafa áhuga á Samba en Rennes hafði betur og gerir Samba fjögurra og hálfs árs samning við félagið.
Rennes er í tólfta sæti frönsku deildarinnar með 17 stig, sjö stigum á eftir Lens.
Athugasemdir
