Pep Guardiola, stjóri Man City.
Ömurlegt gengi Englandsmeistara Manchester City hélt áfram í gær þegar liðið gerði jafntefli við Everton á heimavelli.
Man City hefur núna aðeins unnið einn af síðustu 13 leikjum sínum.
Man City hefur núna aðeins unnið einn af síðustu 13 leikjum sínum.
Pep Guardiola, stjóri Man City, hefur aldrei lent í svona stöðu áður. Hann hefur alltaf verið að berjast á toppnum en núna er raunin önnur fyrir hann.
Guardiola er að reyna ýmislegt til að koma liðinu sínu aftur af stað, en það gengur illa. Samkvæmt vefmiðlinum GiveMeSport þá tók Guardiola undirbúninginn fyrir leikinn gegn Everton upp á næsta stig en hann lét leikmenn sína gista á æfingasvæði félagsins um jólin.
Félagið varði stórum fjárhæðum í dýnur, sængur og kodda til að það færi vel um leikmenn en það eru til staðar herbergi á æfingasvæðinu. Þau voru nýtt um jólin en það hjálpaði liðinu ekki mikið inn á vellinum því City gerði bara jafntefli gegn Everton.
Athugasemdir
