Dani Olmo.
Dómari á Spáni hefur hafnað beiðni Barcelona um að fá leyfi til að skrá Dani Olmo í leikmannahóp sinn út tímabilið.
Olmo gekk til liðs við Barcelona frá Leipzig í sumar fyrir 50 milljónir punda en Börsungar gátu aðeins skráð hann í leikmannahóp sinn út árið vegna fjárhagsvandræða félagsins.
Olmo gekk til liðs við Barcelona frá Leipzig í sumar fyrir 50 milljónir punda en Börsungar gátu aðeins skráð hann í leikmannahóp sinn út árið vegna fjárhagsvandræða félagsins.
Það er sérstakt fjárhagsþak á Spáni sem Barcelona þarf að vera undir en félagið fékk sérstaka undanþágu síðasta sumar til þess að skrá Olmo en undanþágan gildir bara til áramóta.
Barcelona reyndi að fá aðra undanþágu sem gildir út tímabilið en henni var hafnað í dag. Börsungar ætla að reyna aftur á mánudaginn með því að lögsækja spænsku úrvalsdeildina og mótmæla reglum deildarinnar.
En ef það gengur ekki upp, þá gæti Olmo farið frítt í janúar. Hann er orðaður við Englandsmeistara Manchester City.
Athugasemdir
