Hákon Rafn Valdimarsson þreytti frumraun sína í ensku úrvalsdeildinni fyrr í kvöld þegar hann kom inn af bekknum fyrir meiddan Mark Flekken.
Hákon Rafn hafði ekki mikið að gera eftir að hann kom inná en stóð sig vel þegar liðsfélagarnir þurftu á honum að halda. Hann varði tvö skot af tveimur sem bárust á rammann og fór nokkrum sinnum af marklínunni til að bægja fyrirgjöfum frá.
Brentford hélt hreinu í leiknum og spilaði Hákon stærsta hlutann eftir að hafa komið inn á 36. mínútu.
Óljóst er hversu lengi Flekken verður frá vegna meiðslanna sem hann varð fyrir í jafnteflinu, en Flekken stóð sig mjög vel áður en hann meiddist þar sem Brighton var talsvert sterkari aðilinn í fyrri hálfleik, en leikurinn jafnaðist mikið út eftir leikhlé.
Stuðningsmenn Brentford voru ánægðir með frumraun Hákonar og sungu nafn hans að leikslokum, enda tókst honum að halda hreinu í sínum fyrsta úrvalsdeildarleik.
Valdimarsson! ????
— Brentford FC (@BrentfordFC) December 27, 2024
Tremendous support from the away end tonight ?? pic.twitter.com/s1h57nUxNE
Athugasemdir
