Martinelli fær tækifæri til að láta ljós sitt skína.
Mikel Arteta, stjóri Arsenal, vonar að Brasilíumaðurinn Gabriel Martienlli hjálpi til við að fylla skarð Bukayo Saka sem spilar ekki næstu vikurnar vegna meiðsla aftan í læri.
Saka missir af mikilvægum leikjum, þar á meðal Norður-Lundúnaslagnum gegn Tottenham þann 15. janúar ásamt fyrri undanúrslitaleiknum gegn Newcastle í bikarnum og FA-bikarleik gegn Manchester United.
Saka missir af mikilvægum leikjum, þar á meðal Norður-Lundúnaslagnum gegn Tottenham þann 15. janúar ásamt fyrri undanúrslitaleiknum gegn Newcastle í bikarnum og FA-bikarleik gegn Manchester United.
Raheem Sterling er einnig á meiðslalistanum og búist við því að Martinelli byrji á hægri kantinum þegar Arsenal fær Ipswich í heimsókn í kvöld.
„Ég held að Gaby geti stigið upp. Ef hann fær áskorun í hendurnar þá vill hann strax takast á við hana. Hann er leikmaður sem elskar ábyrgð og stærra hlutverk. En það þurfa allir leikmenn að taka meiri ábyrgð," segir Arteta.
Gabriel Jesus hefur skorað fimm mörk í síðustu tveimur leikjum og þá gæti ungstirnið Ethan Nwaneri, sem er sautján ára, fengið fleiri mínútur.
Athugasemdir
