Parma vann dramatískan 2-1 sigur á Monza. Hernani skoraði fyrra mark Parma í byrjun síðari hálfleiks er Pablo Mari steig á Woyo Coulibaly við enda vítateigsins.

Mari sá sitt annað gula spjald og var rekinn af velli áður en Hernani skoraði úr vítaspyrnunni.

Á 84. mínútu komu þeir Kevin Martins og Pedro Pereira inn á hjá Monza og mínútu síðar lagði Martins upp jöfnunarmarkið fyrir Pereira.

Þegar nokkrar sekúndur voru eftir af uppbótartímanum skoraði Lautaro Valenti dramatískt sigurmark fyrir Parma með skalla eftir hornspyrnu.

Gríðarlega svekkjandi fyrir botnlið Monza sem er áfram með 10 stig en Parma komið upp í 14. sæti með 18 stig.

Genoa lagði þá Empoli að velli, 2-1. Öll mörkin voru skoruð í síðari hálfleiknum en það var Milan Badelj sem kom gestunum á bragðið áður en heimamenn fengu vítaspyrnu nokkrum mínútum síðar.

Sebastiano Esposito fór á punktinn en Nicola Leali sá við honum í markinu með laglegri vörslu. Fjórtán mínútum síðar bætti varamaðurinn Caleb Ekuban við öðru marki Genoa.

Þegar stundarfjórðungur var til leiksloka bætti Esposito upp fyrir vítaklúðrið með góðu skallamarki en lengra komust Empoli-menn ekki og lokatölur því 2-1, Genoa í vil.

Genoa er í 13. sæti með 19 stig eins og Empoli sem er í sætinu fyrir ofan.

Empoli 1 - 2 Genoa
0-1 Milan Badelj ('46 )
0-1 Sebastiano Esposito ('54 , Misnotað víti)
0-2 Caleb Ekuban ('68 )
1-2 Sebastiano Esposito ('74 )

Parma 2 - 1 Monza
1-0 Hernani ('56 , víti)
1-1 Pedro Pereira ('85 )
2-1 Lautaro Valenti ('90 )
Rautt spjald: Pablo Mari, Monza ('54)