Atlético Madríd er hætt að eltast við úkraínska sóknarmanninn Artem Dovbyk og hefur nú sett alla einbeitingu á Alexander Sorloth, leikmann Villarreal, en þetta segir ítalski blaðamaðurinn Matteo Moretto.
Dovbyk var efstur á óskalista Atlético eftir að Alvaro Morata fór til AC Milan.
Úkraínumaðurinn skoraði 24 mörk í 36 deildarleikjum með Girona er félagið tryggði sér þátttökurétt í Meistaradeild Evrópu í fyrsta sinn í sögu félagsins.
Fyrir nokkrum dögum útilokaði faðir Dovbyk að sonurinn færi til Atlético. Félagið bauð honum lág laun og valdi því framherjinn að skoða önnur tilboð.
Hann er nú sagður á leið til Roma og hefur Atlético endanlega hætt við að reyna við hann.
Matteo Moretto segir Atlético nú hafa sett norska sóknarmanninn Alexander Sorloth efstan á blað.
Sorloth, sem er 28 ára gamall, skoraði 23 mörk með Villarreal í La Liga á síðustu leiktíð.
Athugasemdir