Ítalski miðvörðurinn Riccardo Calafiori verður ekki með ítalska landsliðinu í seinni leik þess í Þjóðadeild Evrópu.
Calafiori varð fyrir óheppilegum meiðslum í 3-1 sigri Ítalíu á Frakklandi um helgina er Ousmene Dembele, leikmaður Frakka, datt á varnarmanninn.
Hann þurfti að fara af vell i í kjölfarið en eftir leikinn sagði Luciano Spalletti, þjálfari landsliðsins, að möguleiki væri á því að Calafiori yrði með í seinni leik verkefnisins gegn Ísrael.
La Repubblica segir nú að Calafiori verði ekki með í leiknum og sé á leið aftur til Lundúna.
Arsenal mætir Tottenham Hotspur í nágrannaslag í ensku úrvalsdeildinni næstu helgi en meiðslalisti Arsenal telur nú fimm leikmenn og þá verður Declan Rice í banni.
Athugasemdir
