Enska úrvalsdeildarfélagið Leicester er að undirbúa tilboð í japanska miðjumanninn Reo Hatate en hann er á mála hjá Celtic í Skotlandi.
Steve Cooper, stjóri Leicester, vill ólmur styrkja hópinn á næstu vikum og er Hatate sagður mjög ofarlega á lista hjá félaginu.
Hatate er 26 ára gamall sóknarsinnaður miðjumaður sem er samningsbundinn Celtic til 2028.
Á dögunum hafnaði Celtic tilboði frá rússneska félaginu Zenit, en samkvæmt Daily Mail er Leicester tilbúið að leggja fram gylliboð í leikmanninn.
Celtic mun líklega missa Matt O'Riley í glugganum en Atalanta hefur verið í viðræðum við skoska félagið. Celtic hefur hafnað þremur tilboðum frá Atalanta til þessa.
Ef O'Riley verður seldur er talið ólíklegt að Celtic leyfi Hatate að fara frá félaginu í þessum glugga.
Athugasemdir